قلبت صفحات الزمن
اتذكرك
صحيت من الأعماف سكونك
نفس الملامح و الشبه
نفسو الجنون الطالي في ضحكات عيونك
و نفسّو
نفسو الزهول الفيني لما أضوق جفونك
غالطت فيك كل الحواسّ
!!! مستحيل
مستحيل الكون يلمنا من جديد
مستحيل
مستحيل يا دوبو طاب جرح الأسى
المديتو أبكي علي هواي المات وليّد
و على شبابي الإندفن
حيّ ... في عيّونك
شلتو الأقدار نضّب دمعو
و رحل ... جواك وئيد
********
مدّيت و راك حبل الصبر
ضليت ... وكت ما ضعتي في كل المدى
ودرتي من عينيّ ملامح طفلة
ترتع في رحم كل الندى
ودعتي جواي دمعتين
شليتي كل المن عذاب الفرقة حاول يغترب
كل الدروب كانت وراك متعددة
ممدودة لمجهول
بضاري الفرحة بي خوفو الحبيسنو
افترض فينا الزبول
واقعنا من احزانا
ذكرانا الوراك ممدة
مغدروة في ليل احتكر
فيهو الزمن
شكل الضحك
يا ااااااا
يا شاهدة فيني مسهدة
وادري الزبول
عاودي الحقول
نفس الندا المديتو ليك
راجعني مهزوم منكسر
نفس الأسى و نفس الجراح
متجددة
*********
راجعالي ليه ؟؟؟؟
راااااجعالي ليه
و السبتي من درب العذاب
كسر مجاديف الرجوع ... طال الغياب
و صّيتها ليك كل النجوم
يا نورا عزّ الشوق و طال الإغتراب
شريتي جواي من براحاتك أسى
ضيّعتي كل الشدتو ليك
فتيهو سراب
فتشت بيك كل الشوارع ... البيوت
ياااااا نورا ريدك مابي يموت
يااااااااااااا نورا حاصرني الزمن
محروق من الخوف و الشجن
في كل زقاقات البعاندو الأهة
محكوم بالمؤبد من محن
يا نورا .... ما ضّل الهواك
كل الصلات البينا ما علرفت خفوت
كا كان مسطر في العيون
يطويني من بعدك سكوت
*********
راجعالي ليه ؟؟؟؟
وين كنتي لما صرخت ليك
يا نورا غيبتك شردت كل الغيوم الرايحة
في افآقنا تسأل عن بدايات الغنا
قفلت مسامات المنى
و فجرت وريد الأزمنة
يا نورا ... ناشدتك حضور
رغم الأسى المدود على ضلّ الطريق
رغم الفتور
كسرت حزاين الشوق مجاديف العبور
و هدت وراك كل الجسور
أجهضتي في جوانا احلام الطيّور
جففتي شريان لهفة القلب الوليد
ماتت وراك كل البذور
لمينا دمع الحسرة من بعدك
نعاتب الليل
نتوبك زور
رجعتي تحاسبي احلامنا
و حسابك باقي منو كسور
غزيتي في لحظة دنيايا
بتهيجي في قلب مكسور
زمانك ضل
ضهب يحلم زماني معاك
يحسك نور
فتر صبر الصبر من صبري لو طيفك يزور
نساك قلبي و أنا المعزور
............
بعد الحصل
و قلبي الرحل
و إحساسي دايما بالفشل
و كل الوراك سافر و ضل
لا ليك وصل
لا لي رجع قالدك أمل
لا لقيتا من بعدك حروف اسمك تندن في غناي
لا الفيني من جرح اندمل
خليني بالباقي الفضل
امحيني من كل المقل
نورا اتمحت من عيني
لما نست اهزبج الغزل
غادرت كل السواحل مني راحت
لما عرفت كيف تضيع جواي ضاعت
نورا ماتت
في الدواخل و المداخل
و الجروح الفيني طابت
نورا كانت
و مستحيل من تاني ترجع
ماك نورا
و ماني دايرك تبقي نورا
نورا ماممكن تفاضل
بين عيون كاسياها فرحة
وبين شراعات الضياع
و كنت مسكين
مسكين لو بعيش احلامي بيك
مجنون إذا فكرت اني أغني ليك
موهوم إذا كل السنين
عديتا تايه
في دواخلك .......
في ملامحك ........
في عينيك........
يوسف قسم السيد عباس
1\9\2003